Гэта горад, у якім улічваюцца патрэбы і прыярытэты ўсіх дзяцей, незалежна ад іх узросту, нацыянальнасці, стану здароўя і іншых асаблівасцяў, і створаны ўмовы для іх паўнавартаснага шчаслівага жыцця.

Горад, дружалюбны дзецям і падлеткам, - гэта такая канцэпцыя мясцовага дзяржаўнага кіравання, у якой гарадскія ўлады, установы, грамадскія арганізацыі рэалізуюць асноўныя палажэнні Канвенцыі аб правах дзіцяці на ўзроўні горада і яго раёнаў, прыцягваюць увагу грамадскасці да пытанняў дзяцінства, слухаюць і чуюць тое, што гавораць дзеці, і гарантуюць правы маладых грамадзян:

• аказваць уплыў на прыняцце рашэнняў, якія датычацца жыцця дзяцей у горадзе;
• выказваць сваё меркаванне адносна таго, якім бы яны хацелі бачыць свой горад;
• удзельнічаць у сямейным, грамадскім, культурным жыцці горада;
• мець доступ да медыцынскага абслугоўвання, адукацыі і жылля;
• быць абароненым ад гвалту і жорсткага абыходжання;
• перамяшчацца па вуліцах горада самастойна і без рызыкі для жыцця;
• сустракацца і гуляць са сваімі сябрамі і мець прастору для гульняў;
• жыць у горадзе з незабруджаным навакольным асяроддзем;
• карыстацца ўсімі паслугамі ў сваім горадзе як раўнапраўным грамадзянам.