«Снежны снайпер»

У Светлагорскім раёне адбыліся раённыя спаборніцтвы сярод дзяцей і падлеткаў па біятлоне "Снежны снайпер". У спартыўным мерапрыемстве прынялі ўдзел каля 150 навучэнцаў 4-9-ых класаў устаноў агульнай сярэдняй адукацыі. Удзельнікі на лыжах пераадольвалі ўстаноўленую дыстанцыю з двума агнявымі рубяжамі. Спартыўныя спаборніцтвы праходзілі дастаткова эмацыйна, бо кожны ўдзельнік імкнуўся дасягнуць свайго найвышэйшага выніку!
Арганізатары спаборніцтваў шчыра віншуюць удзельнікаў, прызёраў і пераможцаў спартыўнага мерапрыемства! Юныя біятланісты пакідалі месца спаборніцтваў крыху стомленыя, але з добрым настроем і жаданнем удасканальваць свае навыкі ў лыжных гонках і кулявой стральбе. А зусім хутка зборная каманда будзе адстойваць гонар Светлагорскага раёна на абласных спаборніцтвах. Пажадаем ім спартыўнай удачы!